Байрақты бәсекеге еліміздің түкпір-түкпірінен қатысқан палуандар боз кілемде бақтарын сынады. Боз кілемде палуандар қарсыластарына шабуыл жасау, қарымта тойтарыс беру арқылы алуан әдіс-тәсіл арқылы жеңіске жетуге ұмтылды. Белдесу барысында палуандар тек өзіне ыңғайлы деп тапқан кездерде шабуылға шығып, қарсыласының әр қимылын бағып, қолайлы сәт тудырған кезде күтпеген жерден әдіс шабул жасап, айласын асырады. Осылай жерлестеріміз қарсыластарына мүмкіндігінше лайықты қарсылық танытып, жеңіс тұғырынан көріне білді. Нәтижесінде 50-55 жас ерекшелігі бойынша 82 келі салмақта Қайрат Ниязов ІІ орынды иеленді. Ал, 35-39 жастағылар арасында 82 келі салмақта Дулат Қоламанов, 74 келіде Медетхан Қуанғалиев ІІІ орынға табан тіреді. Жас қорытындысы бойынша 68 келі салмақ дәрежесінде Екпін Тіналиев І орынға ие болды.
Тоты ЕСҚАЙЫРОВА, Қаратөбе ауданы